Sumqayıtda dənizə tullanan kişinin boynu qırıldı

Sumqayıt şəhər bulvarında ölüm hadisəsi baş verib.

“Report” xəbər verir ki, Tovuz rayon sakini Cəfərov Vaqif Yahya oğlu iki həmyerlisi ilə birgə dəniz kənarında yeyib-içdikdən sonra çimmək fikrinə düşüb və “Damba” adlanan əraziyə gələrək suya baş vurub.

Hündür yerdən suya atılan şəxs başı üstə dənizin dayaz hissəsinə düşüb. Nəticəsə onun boyun fəqərəsi qırılıb. Kişi aldığı xəsarətlərdən yerindəcə ölüb.

Meyit müayinə olunması üçün tibbi ekspertizaya aparılıb. Faktla bağlı araşdırma aparılır.

Məlumata görə, hər 3 dost Tovuz rayonundan Sumqayıta işləməyə gəlib.