Ucarda yanğın: 110 kvadratmetrlik ev kül oldu

Ucar rayonunun Qazqumlaq kəndində fərdi yaşayış evində yanğın baş verib. Kənd sakini Vüsal Ərziman oğlu Rüstəmova məxsus birmərtəbəli, üçotaqlı, ümumi sahəsi 110 kvadratmetr olan ev əşyaları ilə birlikdə tamamilə yanıb. Minval.info xəbər verir ki, ilkin ehtimala görə, yanğına həyət ərazisində saxlanılan ot bağlamasının alışması səbəb olub. Alov daha sonra evə keçib və nəticədə həyətdə saxlanılan ümumilikdə 12 ton ot bağlaması da tamamilə yanıb. Yanğın yerinə Ucar rayon Dövlət Yanğından Mühafizə Hissəsinin əməkdaşları cəlb olunub və alov söndürülüb. Ətrafdakı evlərin yanğından mühafizəsi təmin edilib. Hadisə zamanı ölən və ya xəsarət alan olmayıb. Faktla bağlı araşdırma aparılır.