Şamaxinkada dəhşətli qəza: İki yaralı, avtomobil yararsızdır

Bakının ‘Şamaxinka’ adlanan ərazisində ağır yol-nəqliyyat hadisəsi baş verib. Hadisə sentyabrın 18-də gecə saat 01:50-də qeydə alınıb. ‘Lada Granta’ markalı, 77-YZ-947 dövlət nömrə nişanlı avtomobilin sürücüsü Firudin İlqar oğlu Quliyev idarəetməni itirərək avtomobili yol kənarındakı maneəyə çırpıb.

Minval.info xəbər verir ki, qəza nəticəsində sürücü Firudin Quliyev və onun sərnişini Mehman Ceyhun oğlu Əhmədov xəsarət alıblar. Hadisə zamanı avtomobil ciddi zədələnərək yararsız hala düşüb. Qəzanın səbəbləri ilə bağlı araşdırmalar davam edir.

Hadisə yerindən yayılan görüntülərdə avtomobilin ciddi şəkildə zədələndiyi və yol təsərrüfatına da ziyan dəydiyi müşahidə olunur. Qəzanın dəqiq səbəbləri və digər təfərrüatlar aidiyyəti qurumlar tərəfindən araşdırılır.