Azərbaycanda hər doğuşa bir abort düşür!

Azərbaycanda son 15 ildə abort halları 30 faiz artaraq ciddi bir problemə çevrilib. Ötən il ölkədə 95 875 doğuş və 95,1 min abort faktı qeydə alınıb ki, bu da hər 100 doğuşa 99 abortun düşdüyünü göstərir.

Minval.info xəbər verir ki, qonşu ölkələrdə isə fərqli tendensiyalar müşahidə olunur. Məsələn, Rusiyada abortların sayı 2025-ci ildə 64 faiz azalaraq 235 minə düşüb. Gürcüstanda isə abortlar 26 faiz azalaraq 11 800-ə enib. Ermənistanda da oxşar azalma müşahidə edilir.

Azərbaycanda abortların artmasının səbəbləri arasında cinsi həyatın gəncləşməsi və oğlan övladının istənilməsi kimi amillər göstərilir. Tibb elmləri doktoru Adil Qeybulla bildirir ki, gizli abortlar da bu statistikanın bir hissəsidir. O, həmçinin dövlətin bu məsələyə müdaxilə etməsinin vacibliyini vurğulayır.