Şəhidin həyat yoldaşı faciəli şəkildə öldü

Yevlaxda yaşayan 91 yaşlı Qərənfil Məmmədovanın faciəli ölümünün səbəbi müəyyən edilib. Qadın, yaşadığı mənzilin pəncərəsindən paltar yığarkən ayağının altından stulun qaçması nəticəsində yıxılıb. Minval.info xəbər verir ki, Yevlax Rayon Mərkəzi Xəstəxanasından verilən məlumata görə, sentyabrın 16-da saat 12:40-da hündürlükdən yıxılma səbəbi ilə xəstəxanaya ağır vəziyyətdə gətirilən Qərənfil Məmmədovaya bədənin müxtəlif nahiyələrinin çoxsaylı sınıqları və qapalı kəllə-beyin travması diaqnozu qoyulub. Aparılan zəruri tibbi müdaxilələrə baxmayaraq, saat 14:00-da onun bioloji ölümü qeydə alınıb.

Qeyd edək ki, Qərənfil Məmmədova birinci Qarabağ müharibəsi şəhidi Yunis Məmmədovun həyat yoldaşı idi.