Qərbi Azərbaycanın yaddaş yerləri: Etnik təmizləməyə məruz qalan Alagöz kəndi

Baku.ws-ın məlumatına görə, “Qərbi Azərbaycanın yaddaş yerləri” layihəsi çərçivəsində indiki Ermənistanda 1980-ci illərin sonlarında azərbaycanlıların qovulması nəticəsində boşalmış Alagöz kəndinin tarixi araşdırılıb. Bu araşdırma “Perished civilization”da yayımlanıb və Alagöz kəndinin tarixi haqqında ətraflı məlumat təqdim edir.

Tarixən Alagöz adlanan kəndin adı çar dövründə “Alagez”, “Alagəz”, sovet dövründə isə “Ələyəz” kimi qeyd edilib. 1991-ci ilin aprelində Ermənistanda Azərbaycan irsini erməniləşdirmək siyasəti çərçivəsində kəndin adı dəyişdirilərək Yeğegis adlandırılıb. Hazırda kənd Ermənistan Respublikasının Vayots Dzor vilayətində yerləşir.

Kəndin tarixinə dair ilk qeydlərə XVIII əsr Osmanlı mənbələrində rast gəlinir. O zamanlar kənd Naxçıvan xanlığının Dərələyəz mahalının tərkibində olub. Çar Rusiyası dövründə kənd İrəvan quberniyasına daxil edilib.

ƏLAQƏLİ

Bunu da oxu

SSRİ-də xərçəng xəstələrindən həqiqəti niyə gizlədirdilər?

02.11.2026 - 17:14

Ermənistan Respublikasının ilk illərində, 1918-1920-ci illərdə, Alagöz kəndində və digər bölgələrdə azərbaycanlılara qarşı etnik təmizləmə həyata keçirilib. 1980-ci illərin sonlarında ermənilərin Qarabağa dair ərazi iddiaları ilə əlaqədar azərbaycanlılar tamamilə Ermənistan SSR ərazisindən qovulublar.

“Yoxa çıxmış sivilizasiya” kitabının hazırlanması çərçivəsində 2021-2024-cü illərdə aparılan tədqiqatlar zamanı kənddə azərbaycanlılara aid qalıq və abidələr müəyyən edilib. Bu, “Qərbi Azərbaycanın yaddaş yerləri” layihəsinin nadir elmi-tədqiqat işlərindən biri hesab olunur.