Sevgi hormonu qorxuya qalib gəlməkdə rol oynayır

Yaponiyada aparılan son araşdırma, sevgi və sosial bağlılıqla əlaqələndirilən oksitosin hormonunun qorxuya qarşı mübarizədə mühüm təsirə malik ola biləcəyini ortaya çıxarıb. Bu tədqiqat, oksitosinin yalnız bir sevgi hormonu olmadığını, eyni zamanda fərqli sinir dövrələrinə təsir etdiyini göstərir.

Minval.info xəbər verir ki, alimlər beynin paraventrikulyar talamus (PVT) bölgəsində oksitosin reseptoru daşıyan xüsusi neyron qrupunu diqqətlə öyrəniblər. Bu neyronlar, həm sosial davranışların tənzimlənməsində, həm də təhlükənin artıq keçdiyini öyrənmə prosesində iştirak edir.

Təcrübələr siçanlar üzərində aparılıb və nəticələr göstərir ki, bu neyronların fəaliyyəti zəiflədildikdə, siçanların sosial əlaqələrə marağı azalır və əvvəllər qorxu yaradan, lakin artıq təhlükəsiz olan mühitdə qorxu reaksiyasını azaltmaqda çətinlik çəkirlər.

ƏLAQƏLİ

Bunu da oxu

Türkiyənin müdafiə sənayesinin sürətli inkişafı İsraildə diqqət çəkir

05.10.2026 - 10:21

Alimlər bildirirlər ki, bu nəticələr oksitosinin beyində yalnız “güvən hormonu” kimi fəaliyyət göstərmədiyini, həm də təsirinin konkret sinir dövrələrindən asılı olduğunu göstərir. Bu araşdırma, oksitosinlə əlaqəli neyron şəbəkəsinin sosial davranış və qorxu mexanizmlərinin öyrənilməsi baxımından yeni istiqamətlər aça biləcəyini ortaya qoyur.

Araşdırmanın nəticələri “Brain” jurnalında dərc olunub.