Qaynar çay və kofe xərçəng riskini artırır

Alimlərin apardığı araşdırmalar nəticəsində məlum olub ki, çay və kofe qaynar halda içildikdə özofagus xərçəngi riskini artırır. Bu barədə “International Journal of Cancer” jurnalında dərc olunmuş araşdırmada qeyd edilir. Böyük Britaniyada həyata keçirilən geniş miqyaslı tədqiqatda təxminən bir milyon insan iştirak edib və nəticələr göstərir ki, içkiləri müntəzəm olaraq həddindən artıq qaynar şəkildə qəbul etmək qida borusu xərçəngi riskini üç dəfəyə qədər artırır.

Minval.info xəbər verir ki, Oksford Universitetinin alimləri tərəfindən aparılan araşdırmada 977 mindən çox orta yaşlı şəxsin göstəriciləri təhlil edilib. Mütəxəssislər 65°C və daha yüksək temperaturda olan bütün içkiləri “çox isti” və potensial risk mənbəyi kimi təsnif edirlər. Gündə altı və ya daha çox fincan çox isti içki qəbul etmək riski daha da artırır. Qaynar maye mədəyə doğru hərəkət edərkən qida borusunun daxili səthindəki hüceyrələri zədələyərək xərçəngin yaranmasına zəmin yaradır.

Çaydanda qaynayan suyun temperaturu 100°C olsa da, fincana süzüldükdə bu göstərici 90-95°C-yə düşür. İçkiyə süd əlavə etmək onu bir qədər soyutsa da, dərəcə cavan hüceyrələr üçün hələ də təhlükəli həddə qala bilir. Burada təhlükəli hədd 65°C və daha yüksək dərəcədir. Mütəxəssislərin tövsiyə etdiyi ideal temperatur isə 49°C ilə 60°C arasıdır.