Uzun yaşamaq istəyənlərə xəbərdarlıq: bu iki üsula inanmayın
Baku.ws-ın məlumatına görə, molekulyar bioloq və hüceyrə qocalması üzrə mütəxəssis Nikola Konlon “The Telegraph” nəşrinə verdiyi açıqlamada ət pəhrizi və buz kimi soyuq suda çimməyin ömrü uzatdığına dair iddiaların elmi cəhətdən kifayət qədər əsaslandırılmadığını bildirib.
Ekspertin fikrincə, yalnız ət məhsullarından ibarət pəhrizin uzunömürlülüyü təmin etdiyini sübut edən inandırıcı elmi dəlillər yoxdur. Bitki mənşəli qidalardan imtina orqanizmi lifdən, C vitamini də daxil olmaqla bir sıra vacib qida maddələrindən məhrum edə bilər.
Bioloq qeyd edib ki, insanların uzun ömür sürdüyü bəzi bölgələrdə ənənəvi qidalanma rasionunda bitki mənşəli məhsullar mühüm yer tutur.
Buzlu suda çimmə
Konlon buzlu suda çimməyin faydalarının da şişirdilməməli olduğunu vurğulayıb. Soyuq su orqanizmdə stress reaksiyası yarada bilər. Bəzi tədqiqatlarda bu praktikanın stressin azalması və yuxunun yaxşılaşması ilə mümkün əlaqəsi göstərilsə də, nəticələr birmənalı deyil.
Mütəxəssis hesab edir ki, buzlu suda çimməyi ömrü uzadan sübut olunmuş üsul hesab etmək hələ tezdir. Bunun sağlamlığa uzunmüddətli təsirini müəyyənləşdirmək üçün əlavə araşdırmalara ehtiyac var.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Azərbaycanda qarabağ Milli Parkı yaradılır
Ədəbiyyat üzrə Nobel mükafatının sahibi bəlli oldu
1870 tələbə ödənişsiz təhsil almaq hüququ qazandı
Yeşilçamın tanınmış aktyoru Göksel Arsoy 90 yaşında dünyasını dəyişdi
Semiramis Pekkanın oğlu Zoran Lalvani ailə həyatı qurdu
Viktoriya Bonya tənqidlərə sərt cavab verdi: "Güzgüdə özünüzə baxın!"
Elza Seyidcahan gəlinlərə qayınanaları ilə 2 il yaşamağı arzulayır
