Tələbə Kənan Zindadil universitetə bərpa olunmaq istəyir

ADMİU-nun birinci kurs tələbəsi Kənan Zindadil, universitetdən haqsız yerə xaric edildiyini iddia edərək, videomüraciət yayımlayıb. O, təhsil aldığı müddətdə müxtəlif təzyiqlərə və təhqirlərə məruz qaldığını, bu səbəbdən hüquq-mühafizə orqanlarına müraciət etdiyini bildirib.

Minval.info xəbər verir ki, Kənan Zindadil, universitet rəhbərliyinin təzyiqi ilə şikayətini geri götürdüyünü və bu səbəbdən haqsız yerə universitetdən xaric edildiyini qeyd edib. O, təhsilini davam etdirmək üçün aidiyyəti qurumlardan kömək istəyir.

Tələbə, universitetdə oxuduğu müddətdə heç bir intizam pozuntusu etmədiyini və təqaüd aldığını vurğulayıb. O, yenidən universitetə bərpa olunmaq üçün dəstək axtarır və təhsildən geri qalmaq istəmədiyini bildirir.