VACİBKüləkli hava şəraiti ilə bağlı sarı və narıncı xəbərdarlıq verilib

Ölkə ərazisində hava şəraitinin kəskin dəyişəcəyi, iyulun 27-si və 28-də güclü küləyin əsəcəyi ilə bağlı rəsmi xəbərdarlıq edilib.

Milli Hidrometeorologiya Xidmətinin yaydığı son məlumatlara görə, gözlənilən hava şəraiti ilə əlaqədar Bakıda, Abşeron yarımadasında və ölkənin bir çox bölgələrində xüsusi sarı və narıncı xəbərdarlıqlar qüvvəyə minib.

Minval.info xəbər verir ki, paytaxt başda olmaqla bir sıra şəhər və rayonlarda küləyin sürəti pik həddə çatacaq və narıncı xəbərdarlıq rejimi tətbiq olunacaq. Bu zonalara Bakı şəhəri və Abşeron yarımadası ilə yanaşı, Mingəçevir, Ağstafa, Qazax, Tovuz, Gəncə, Daşkəsən, Goranboy, Qobustan, Neftçala, Hacıqabul, Naftalan, Xaçmaz, Qusar və Şabran rayonları daxildir. Sözügedən ərazilərdə şimal-qərb küləyinin sürətinin saniyədə 20.8–28.4 metrədək güclənəcəyi proqnozlaşdırılır.

ƏLAQƏLİ

Bunu da oxu

Abşeronda yolun təmiri çərçivəsində drenaj sistemi qurulacaq

26.10.2026 - 13:54

Sarı xəbərdarlığın qüvvədə olduğu digər bölgələrdə isə nisbətən zəif, lakin yenə də təhlükəli külək qeydə alınacaq. Sinoptiklər Naxçıvan MR, Gədəbəy, Göygöl, Şəmkir, Samux, Yevlax, Bərdə, Tərtər, Ağdam, Füzuli, Cəbrayıl, Zəngilan, Laçın, Kəlbəcər, Quba, Siyəzən, Xızı, Altıağac, İmişli, Şirvan, Beyləqan, Saatlı, Sabirabad, Salyan, Biləsuvar, Cəlilabad, Masallı, Lerik, Yardımlı, Lənkəran və Astarada şimal-qərb küləyinin sürətinin saniyədə 13.9–20.7 metr təşkil edəcəyini bildiriblər.

Vətəndaşlara belə hava şəraitində maksimum dərəcədə diqqətli olmaq, xüsusilə narıncı xəbərdarlıq edilən ərazilərdə yüngül konstruksiyalı tikililərdən, iri ağaclardan və reklam lövhələrindən uzaq durmaq tövsiyə olunur.