Abşeronda yolun təmiri çərçivəsində drenaj sistemi qurulacaq
Azərbaycan Avtomobil Yolları Dövlət Agentliyi (AAYDA) Abşeron rayonunda yerləşən Hökməli–Qobu–Güzdək avtomobil yolunun 4-cü kilometrliyində genişmiqyaslı təmir-bərpa işlərinə start verib. Baku.ws-ın məlumatına görə, bu işlər çərçivəsində yolun dayanıqlığını artırmaq üçün xüsusi tədbirlər görüləcək.
Hal-hazırda ərazidə müxtəlif texnikalar vasitəsilə torpaq işləri aparılır. Yol yatağının qazılması və hamarlanması istiqamətində işlər sürətlə davam etdirilir.
Təmirin əsas məqsədlərindən biri də yolun uzunmüddətli istismarını təmin etməkdir. Bu məqsədlə, səth və yağış sularının yoldan kənarlaşdırılması üçün drenaj sistemi qurulacaq. Bunun üçün suötürücü borular və yağış suyu barmaqlıqları quraşdırılacaq.
Bu tədbirlər nəticəsində yolun hərəkət hissəsində su yığılmasının qarşısı alınacaq, beləliklə yol örtüyünün vaxtından əvvəl sıradan çıxması riski minimuma endiriləcək. Eyni zamanda, nəqliyyat vasitələrinin təhlükəsiz hərəkəti təmin olunacaq.
Planlara əsasən, təmir-bərpa işlərinin qısa müddətdə tamamlanması və avtomobil yolunda nəqliyyatın normal axınının bərpa edilməsi nəzərdə tutulur.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Xocavənd və Ağdərəyə daha 42 ailə yola salınıb
Metronun bu stansiyası yenidən açılır
Milli Qəhrəman Ehtiram Əliyev xəstəxanaya yerləşdirildi
"Həzi Aslanov" metrostansiyasında dalanın yenidən qurulması yekunlaşıb
Bakıda tıxacları azaltmağın yeni üsulu: təmir işləri gecə aparıla bilər
Sabahdan bəzi yerlərdə leysan yağacaq
