Ermənistandan Azərbaycana idxal: Hansı məhsullar mümkündür?

Son günlərdə Azərbaycanın Ermənistandan məhsul idxal etməsi ilə bağlı məlumatlar gündəmdədir. Ermənistanın baş naziri Nikol Paşinyan bu mövzuya toxunsa da, əməliyyatın detalları barədə ətraflı məlumat verməyib. Qeyd edək ki, Azərbaycan 2025-ci ildən etibarən Ermənistana ixrac həyata keçirir. 2025-ci ildə ixracın dəyəri 788.8 min dollar, 2026-cı ilin yanvar-iyul aylarında isə 17 milyon 372.1 min dollar təşkil edib. İxrac əsasən yanacaq məhsulları üzərində cəmləşib.

Minval.info xəbər verir ki, iqtisadçı Xalid Kərimli Ermənistandan Azərbaycana daha çox sənaye xarakterli məhsulların idxalının mümkün olduğunu bildirib. O, gələcəkdə iki ölkə arasında ərzaq və gündəlik istehlak məhsullarının da alqı-satqısının mümkün ola biləcəyini vurğulayıb.