Ermənistana Azərbaycandan tranzitlə 41 vaqon taxıl göndərildi

Rusiyadan Ermənistana Azərbaycandan tranzit keçməklə növbəti taxıl tədarükü həyata keçirilib. Bu dəfə 20 vaqon arpa və 21 vaqon buğda Biləcəri stansiyasından Böyük Kəsik istiqamətinə göndərilib. Arpanın ümumi çəkisi 1400 ton, buğdanın isə 1469 ton təşkil edir.

Minval.info xəbər verir ki, indiyədək Rusiyadan Ermənistana Azərbaycandan tranzit keçməklə 60 min tona yaxın taxıl, 9 min tondan çox gübrə, 1414 ton propan, 133 ton alüminium, 1114 ton kömür və 608 ton taxta göndərilib. Eyni zamanda, Azərbaycandan Ermənistana 17 min tona yaxın dizel, 5 min tona yaxın Aİ-92 və Aİ-95 benzini ixrac olunub.