VACİBBakıda internet KƏSİLDİ – Minlərlə abonent çətinlik yaşayır

Bakıda fəaliyyət göstərən internet provayderlərindən birində texniki problem yaranıb.

Minval.info xəbər verir ki, “KATV1” (“AG Telekom” MMC) abonentləri internet xidmətində kəsintilərlə üzləşiblər.

Məlumata görə, problem əsasən paytaxtın Nizami və Binəqədi rayonlarında müşahidə olunur. Abonentlər internet xidmətindən istifadə edə bilmədiklərini bildirirlər.

Şirkətdən verilən məlumata əsasən, yaranmış problem texniki nasazlıqla əlaqədardır. Hazırda nasazlığın aradan qaldırılması istiqamətində müvafiq işlər aparılır.

İnternet xidmətinin nə vaxt tam bərpa olunacağı ilə bağlı isə hələlik dəqiq vaxt açıqlanmayıb.