“Dolu” filminin ikincisi çəkilir

Millət vəkili Aqil Abbas MTV-də yayımlanan “Düzünə qalsa” verilişində qonaq olub.

OLAY yazır ki, deputat “Dolu” filminin ardının çəkiləcəyini bildirib:

“Filmin ikinci hissəsini yazmışam. Məmməd Səfa yenə də komandir rolunda olacaq. Deməli, orda incə bir detal var. Komandir Drakon və Pələnglə rastlaşır, deyir, bəs siz ölməmişdiniz?! Deyirlər, şəhidlər ölmür komandir! Əsas ideya da odur elə! Çoxları bilmirdi ki, Məmməd Səfanın yerində iki sevdiyim, böyük aktyor da ola bilərdi. Nurəddin Mehdixanlı və Fəxrəddin Manafov. İkisindən biri! Sonra rejissor olaraq Elxan Cəfərov gəldi. Yoldaşım İradə Tuncay mənə dedi ki, sən rejissorun işinə qarışma! İkisi də böyük aktyordur. Bəlkə sözüm onların xətrinə dəyə bilər amma mənə elə gəlir ki, onların heç biri o rolu Məmməd Səfadan gözəl oynaya bilməzdi. Sanki obraz onun boyuna biçilib. “Dolu 2”də də komandir rolunda o olacaq!”.