İphone kamerası peşəkar alətlərlə təchiz olunur

Apple şirkəti, iOS 27 yeniləməsi ilə iPhone kamerasına peşəkar çəkiliş alətləri və yeni manual idarəetmə funksiyaları əlavə etməyə hazırlaşır. Bu yeniliklər, istifadəçilərə daha dəqiq ekspozisiya idarəetməsi üçün histogram və dalğa forması, həmçinin fokuslanmanı asanlaşdıran ‘focus peaking’ funksiyasını təqdim edəcək.

Minval.info xəbər verir ki, yeni versiyada taymer funksiyası da təkmilləşdiriləcək və istifadəçilər çəkilişlər arasında gözləmədən ardıcıl bir neçə foto çəkə biləcəklər. Fokusun əl ilə tənzimlənməsi imkanlarının da artırılacağı bildirilir. Bununla yanaşı, bəzi yeni kamera funksiyalarının yalnız gələcək iPhone modellərində əlçatan olacağı gözlənilir.