Alim qasımovdan qızı fərqanəyə duyğusal doğum günü mesajı

Xalq artisti Alim Qasımov qızı Fərqanə Qasımovanın doğum günü münasibətilə ona səmimi arzularını çatdırıb. Alim Qasımov, qızının yeni yaşının ona yeni təcrübələr və gözəl anlar gətirməsini diləyib.

Minval.info xəbər verir ki, Alim Qasımov qızına olan sevgisini və dualarını belə ifadə edib: “Doğum günün mübarək, qızım. Hər yaş insan üçün yeni təcrübələr, fərqli həyatlar və anlarla doludur. Kainatın Rəbbinə duam isə Fərqanənin könlünə genişlik verməsi, qarşısına xeyirli insanları çıxarması və onu sevdiyi qullarının sevgisiylə rızqılandırmasıdır. Rəbbim ona dünya və axirət nemətlərinin ən gözəlini versin. Onun üzünü dünya və axirətdə güldürsün. Rəbbim, qarşıda onu gözləyən şər və müsibət varsa, onu qaldır. İrəlidə qovuşacağı nemət varsa, onu da artır. Ruzisinə, ömrünə, gününə, vaxtına bərəkət ver. Fərqanə və balalarını xəyal daxil edə bilmədiyi küllü gözəlliklərə qovuşdur, Amin. Doğum günün mübarək olsun, Fərqanə.”