“Həmin gündən düz 47 il keçdi” – Fotolar

"Həmin gündən düz 47 il keçdi" - Fotolar

Əməkdar artist Bəhram Bağırzadə illər əvvəl çəkilən fotolarını sosial media hesabında yayımlayıb.

Axşam.az xəbər verir ki, aktyor keçmiş Bilik Gününü belə xatırlayıb:

“1 sentyabr. 47 il keçdi…

Qarabağda mina təmizləyənlərin hekayəsi festivallarda mübarizə aparır

ƏLAQƏLİ

Bunu da oxu

Qarabağda mina təmizləyənlərin hekayəsi festivallarda mübarizə aparır

05.10.2026 - 15:59

Düz 47 il əvvəl, 1979-cu il sentyabrın 1-də ilk dəfə sevimli 189 nömrəli məktəbimin astanasından keçdim və birinci sinfə getdim. Həmin gündən xoşbəxt uşaqlığım başladı, dostluq, kəşflər, ilk qələbələr, ilk məyusluqlar və unudulmaz məktəb xatirələri ilə dolu illər. Doğma məktəbin divarları arasında böyüdük, arzuladıq, həyatı anlamağı öyrəndik və bu günə qədər xatırladığımız dostlar qazandıq.

Bu gün sevimli müəllimlərimi hərarətlə xatırlayıram. Artıq aramızda olmayan müəllimlərə Allahdan rəhmət diləyirəm. Onların mehribanlığı, biliyi və müdrikliyi əbədi olaraq qəlbimizdə yaşayır.

Əziz sinif yoldaşlarımı, bütün məzunları və müxtəlif illərdə 189 nömrəli məktəbdə təhsil almış bütün şagirdləri ürəkdən təbrik edirəm. Qoy məktəb illəri hər birimiz üçün həmişə həyatımızın işıqlı, xeyirxah və ən xoşbəxt səhifəsi olaraq qalsın.