Ürək döyüntünüzdə ani fasilələr: Təhlükəli siqnalları necə tanımaq olar?

Ürəyin döyüntüsündəki fasilələr və ya nizamsız döyünmələr hər zaman ciddi bir xəstəlik göstəricisi olmasa da, bu vəziyyət təkrarlanarsa, mütləq həkimə müraciət edilməlidir.

Minval.info xəbər verir ki, mütəxəssislər bu cür halların stress, yuxusuzluq, kofein qəbulu, güclü emosiyalar və ya fiziki yüklənmə nəticəsində baş verə biləcəyini bildirirlər. Bəzən isə bu vəziyyət ekstrasistoliya və ya digər ürək ritm pozğunluqları ilə əlaqədar ola bilər.

Əgər ürək döyüntüsündəki dəyişikliklər səbəbsiz şəkildə tez-tez baş verirsə, istirahət zamanı ortaya çıxırsa və ya gündəlik fəaliyyətlərə mane olursa, kardioloqa müraciət etmək tövsiyə olunur. Sinə ağrısı, nəfəs darlığı, başgicəllənmə, güclü halsızlıq və ya huşun itməsi ilə müşayiət olunan ritm pozğunluqları isə təcili tibbi müdaxilə tələb edir.

ƏLAQƏLİ

Bunu da oxu

Kosovoda kütləvi məzarlıq: İtkin düşənlərin taleyi üzə çıxır

01.08.2026 - 21:27

Həkimlər, simptomların nə vaxt və hansı şəraitdə baş verdiyini qeyd etməyi və özbaşına ürək ritmini tənzimləyən dərmanlardan istifadə etməməyi məsləhət görürlər. Lazım gələrsə, diaqnozun dəqiqləşdirilməsi üçün EKQ və ya 24 saatlıq Holter monitorinqi tətbiq edilə bilər.