İqlim dəyişikliyi qlobal sağlamlıq böhranına çevrilir

İqlim dəyişikliyinin insan sağlamlığına mənfi təsirləri getdikcə artmaqdadır. “Lancet Geri Sayım” hesabatına görə, ekstremal istilər və quraqlıq kimi iqlim təhlükələri ilə mübarizə tədbirləri kifayət qədər sürətlə inkişaf etmir.

Baku.ws-ın məlumatına görə, London Universitet Kolleci və Ümumdünya Səhiyyə Təşkilatının (ÜST) birgə hazırladığı hesabat 30-dan çox ölkədən 100-dən artıq qurumun 146 tədqiqatçısının araşdırmalarını əhatə edir.

Hesabata əsasən, Paris İqlim Sazişinin qüvvəyə mindiyi 2016-cı ildən 2023-cü ilədək hər il orta hesabla 540 min insan istilərlə əlaqəli səbəblərdən həyatını itirib. Bu ölümlərin 68 faizinin iqlim dəyişikliyi ilə əlaqəli olduğu vurğulanıb.

ƏLAQƏLİ

Bunu da oxu

Paket çaylarda təhlükə: bir fincanda 2500 mikroplastik hissəcik aşkarlandı

28.10.2026 - 15:44

İqtisadi və ekoloji təsirlər

Yalnız 2023-cü ildə yüksək temperaturun 710 min insanın ölümünə səbəb olduğu bildirilir. İqlim böhranı ilə əlaqəli ölüm hallarının malyariya və HİV-lə bağlı ölüm göstəricilərini üstələdiyi qeyd olunub. 2016-2023-cü illərdə iqlim dəyişikliyinə aid edilən ölümlərin ümumi sayı təxminən 3 milyona çatıb.

Hesabatda iqlim böhranının qlobal iqtisadiyyata da ciddi təsir etdiyi vurğulanır. Artan temperatur və azalmaqda olan əmək məhsuldarlığı səbəbindən 2025-ci ildə dünya iqtisadiyyatının potensial gəlir itkisinin 1 trilyon dolları keçəcəyi qeyd olunub.

Bundan əlavə, təmiz enerji sərmayələrinin artması da diqqət çəkir. 2025-ci ildə bu sahəyə qlobal investisiyalar 2,1 trilyon dollara çatıb. Hava çirklənməsi isə hər il təxminən 2,7 milyon insanın ölümünə səbəb olur.

ƏLAQƏLİ

Bunu da oxu

Eyni dərman apteklərdə niyə fərqli qiymətə satılır?

26.10.2026 - 12:14

Tədqiqatçılar iqlim dəyişikliyinin qlobal sağlamlıq üçün təcili təhlükə kimi tanınmasını tələb edir və ÜST ilə BMT-nin koordinasiyalı tədbirlər görməsini vacib hesab edirlər.