Türk məşhurlar AXC-ni unutmadı - FOTOLAR

Türkiyəli məşhur müğənni Hadisə Azərbaycan Xalq Cümhuriyyətinin 100 illiyi münasibətilə xalqımızı təbrik edib.

Minval.İnfo Kult.az-a istinadən xəbər verir ki, müğənni şəxsi Tvitter səhifəsində Azərbaycan və Türkiyə bayraqlarının fotosunu paylaşaraq ürək sözlərini yazıb:

“Yaşa, yaşa, çox yaşa, ey şanlı Azərbaycan! Dost və qardaş ölkə Azərbaycanın quruluşunun 100-cü il dönümü mübarək olsun”.

Müğənni Gülbən Ərgən də şəxsi İnstaqram səhifəsində yazaraq Azərbaycan xalqına təbrik ünvanlayıb:

“Mustafa Kamal Atatürkün dediyi kimi Azərbaycanın sevinci bizim sevincimiz, kədəri bizim kədərimizdir. Bu gün qürur günüdür. Azərbaycan Cümhuriyyətinin 100 illiyi qutlu olsun”.

Türkiyəli aktyor Oqtay Qaynarca da İnstaqram səhifəsində video paylaşaraq ölkəmizi təbrik edib.

Ölkəmizi təbrik edənlər sırasına “Papito” mahnısı ilə tanınan rumın müğənni Seeya da qoşulub:

“Respublika Gününüz Mübarək, Azərbaycan-100, sizi sevirəm”.

“Qarabağ”ın keçmiş qapıçısı İbrahim Şehiç də İnstaqramda foto paylaşaraq “100 ilin mübarək, mənim sevimli ölkəm”- sözlərini yazıb.