SEPAH-dan region ölkələrinə xəbərdarlıq

İranın İslam İnqilabının Keşikçiləri Korpusu (SEPAH) region ölkələrinin əhalisinə təhlükəsizliklə bağlı xəbərdarlıq edib.

Minval.info xəbər verir ki, SEPAH ABŞ hərbi qulluqçularının yerləşdirildiyi məntəqələrdən uzaq durmağa çağırış edib.

Qurumun yaydığı bəyanatda bildirilib ki, təhlükəsizlik məqsədilə ABŞ hərbçilərinin açıq və ya gizli şəkildə yerləşdirildiyi obyektlərdən ən azı 500 metr məsafədə qalmaq tövsiyə olunur.

“Bölgə xalqlarını dərhal Amerika əsgərlərinin açıq və ya gizli yerləşdirildiyi məntəqələrdən 500 metr radiusdan kənarda qalmağa çağırırıq”, – deyə SEPAH-ın bəyanatında qeyd olunub.

SEPAH bəyanatında bu çağırışın səbəbi ilə bağlı əlavə məlumat verilməyib.