ABŞ hərbi bazaları müharibəyə hazırlıq planı ilə gücləndirilir

ABŞ Müdafiə Nazirliyi (Pentagon), enerji şəbəkələrinə zərər verə biləcək “böyük çaplı müharibə ehtimalına hazırlıq” çərçivəsində, ölkə daxilindəki hərbi bazalarını ən azı 90 gün ərzində xarici dəstək olmadan işlətməyi planlaşdırır. “FORTRESS” adlı hərbi təşəbbüslə, mülki infrastrukturda fasilələr olsa belə, ABŞ ordusunun “hücumlarına davam edə bilməsi” məqsəd qoyulub.

Minval.info xəbər verir ki, “FORTRESS” təşəbbüsü ilə ABŞ-ın daxili ərazisindəki hər bir böyük hərbi obyektin ən azı 90 gün ərzində elektrik, su, yanacaq və kommunikasiya kanallarına çıxış daxil olmaqla əsas əməliyyatlarını davam etdirə bilməsi nəzərdə tutulur.

Fox News-un məlumatına görə, Pentagon bu təşəbbüslə böhran anlarında mülki zavodların müdafiə istehsalına keçməsinə zəmin hazırlamaq, alternativ təchizat zəncirləri yaratmaq və silah, yanacaq və digər materialların axınının davam etməsi üçün strateji ehtiyat yaratmağı hədəfləyir.

ƏLAQƏLİ

Bunu da oxu

ABŞ qlobal müharibə ehtimalına qarşı hərbi təchizatını gücləndirir

26.10.2026 - 10:34

Pentagon, hərbi obyektləri mülki elektrik şəbəkəsindən ayıraraq uzunmüddətli elektrik kəsintiləri zamanı da fəaliyyətlərini davam etdirə bilən daşınabilir nüvə reaktorları, böyük ölçülü batareya saxlama sistemləri və mikro şəbəkələr inkişaf etdirəcək.

Pentagon sözçüsü Şon Parnell, “Milli müdafiəmizi həyata keçirmək üçün standart mülki infrastruktura güvənmək istəmirik. Bunu edə bilmərik, bu qəbulolunmaz riskdir” deyə bildirib. Parnell, “FORTRESS” təşəbbüsünü ABŞ ərazisi üçün sığorta siyasəti kimi xarakterizə edərək, “Elektrik olmadan kommunikasiya, su, logistika, montaj xətti və əsas hərbi komanda strukturlarını itirirsiniz” deyə vurğulayıb.