Misli" ilə Azərbaycan futbolunda yeni dövr: Premyer liqaya davamlı dəstək!
Azərbaycanın qanuni lotereya təşkilatçısı və idman mərc oyunları operatoru olan “Azərlotereya”nın “Misli” brendi ilə Peşəkar Futbol Liqası (PFL) arasında olan sponsorluq müqaviləsi yenilənib.
Minval.info xəbər verir ki, bu razılaşmaya əsasən, “Misli” 2026/2027-ci illər mövsümündə də Azərbaycan Premyer Liqasının əsas sponsoru olaraq qalacaq və ölkə çempionatı “Misli Premyer Liqası” adı ilə tanınacaq.
“Misli”nin sponsorluğu, ölkədə idmanın, xüsusilə də futbolun inkişafına və populyarlaşdırılmasına yönəlmiş mühüm layihələrin bir hissəsidir. Bu əməkdaşlıq, Azərbaycan futbolunun dayanıqlı inkişafına və liqanın rəqabətliliyinin artırılmasına əhəmiyyətli təsir göstərir.
ƏLAQƏLİ
Azərbaycan-ABŞ əlaqələrində yeni səhifə: Strateji tərəfdaşlıq və iqtisadi dialoqdan doğan imkanlar
Beşinci mövsümünü tamamlayan bu tərəfdaşlıq, azarkeşlərin marağını artırmaqla yanaşı, yerli futbolun kommersiya dəyərinin yüksəlməsinə də töhfə verir. “Misli” həmçinin kişilərdən ibarət A milli futbol komandasının rəsmi sponsorudur, bu da şirkətin ölkədə idmanın inkişafına verdiyi dəstəyi nümayiş etdirir.
“Misli” və PFL arasındakı davamlı əməkdaşlıq, futbolun ictimai dəyərinin artırılmasına və azarkeşlərlə klublar arasında əlaqələrin möhkəmləndirilməsinə xidmət edir. “Misli”nin Premyer Liqaya dəstəyi, Azərbaycan futbolunun inkişafı üçün yeni imkanlar yaradır.
Qeyd edək ki, 2026/2027-ci illər mövsümünün “Misli Premyer Liqası” 14 avqust tarixində start götürəcək.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Neftçi tarix yazır: Ən bahalı transfer reallaşır!
