Məktəbli qızın döyülməsinə görə direktor da işdən çıxarıldı
Lənkəranda məktəblinin döyülməsinə görə lisey direktoru işdən çıxarılıb.
“Minval.info” “Report”a istinadən xəbər verir ki, bu barədə müvafiq sənəd imzalanıb.
Sənədə görə, Lənkəran şəhər V.Əliyev adına 4 nömrəli humanitar təmayüllü məktəb-liseyin direktoru Yeganə Əsgərova vəzifəsindən azad edilib.
Onun məktəblinin döyülməsi faktına görə işdən çıxarıldığı bildirilir.
Qeyd edək ki, Lənkəran Rayon İcra Hakimiyyətinin başçısının müavini Rasilə Arifqızı və Lənkəran şəhər 4 nömrəli humanitar təmayüllü məktəb-liseyin direktoru Yeganə Əsgərova tərəfindən həmin məktəbin 9-cu sinif şagirdinə qarşı fiziki zorakılıq hərəkətlərinin edilməsi ilə bağlı araşdırma aparılıb.
Müəyyən edilib ki, Rasilə Arifqızı 14 iyul 2022-ci il tarixdə saat 9:00 radələrində məktəbin şagirdi Günel Əliyevanı (şərti) sürücüsü vasitəsilə attestat verilməsi bəhanəsi ilə yaşadığı evə gətizdirib, bundan sonra məktəbin direktoru Yeganə Əskərovanın da iştirakı ilə G.Əliyevanın mobil telefonunu əlindən alıb şəxsi məlumatlarını yaxın qohumlarının mobil telefonlarına göndərib.
Eyni zamanda, keçirilmiş məhkəmə-tibb ekspertizasının rəyinə əsasən, Günel Əliyevanın bədənində dərəcələri təyin edilməyən xəsarətlər aşkar edilib. Faktla bağlı rayon prokurorluğunda cinayət işi başlanıb.
Qeyd edək ki, ötən gün Rasilə Arifqızı da işdən çıxarılmışdı.
“Minval.info”
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Qəbizlikdən xilas olmaq üçün 7 təsirli içki
Ağdərədə mina partlayışı: Gənc yüngül xəsarət aldı
Coşqun Məmmədovun faciəvi ölümü: Baş həkim dayısı danışdı
Şərurda yanğın: 9 heyvan tələf oldu
Həkim Nicatın qəhrəmanlığı: İnfarktdan xilas etdi
Qara dənizdə dron hücumu: İki azərbaycanlı həlak oldu
Rusiyada azərbaycanlı bacı-qardaş faciəvi şəkildə öldü
