Gülaydan yeni klip: "Vur ürəyim" təqdim olundu

Müğənni Gülay yeni layihəsi olan ‘Vur ürəyim’ adlı mahnısını klipi ilə birlikdə təqdim edib. Mahnının musiqisi Camal Qurbanova, sözləri isə Həsən Babayevə aiddir. Bəstənin aranjimanı da Camal Qurbanov tərəfindən hazırlanıb. Layihə çərçivəsində Gülay üçün üç fərqli obraz yaradılıb. Klipin vizual konsepsiyasının ərsəyə gəlməsi üçün böyük yaradıcı komanda çalışıb. Ekran işinin rejissorları Zeyn və İlahə Məhərrəmdir. Operator işini Emil Marbiora, art-direktor işini isə Fərid Cabbarlı həyata keçirib. Gülayın obrazlarının staylinqi Elnara de Birbuet tərəfindən hazırlanıb. Sənətçinin makiyajı Günel Ağacanova, saç düzümü isə Günel Məmmədova tərəfindən icra olunub. Layihənin fotosessiyasını Eresmoon həyata keçirib. ‘Vur ürəyim’ layihəsinin prodüseri Tural Nəbiyevdir.