Coşqun Məmmədovun faciəvi ölümü: Baş həkim dayısı danışdı

Şəki Yaylası İstirahət Mərkəzində kanatdan yıxılaraq həyatını itirən Coşqun Məmmədovun tanınmış həkimin bacısı oğlu olduğu məlum olub. Qax rayonunun Zərnə kəndində doğulan Coşqun Məmmədovun dayısı İftixar Saadov, Qax rayonunun Süskənd kəndində yerləşən “Şəfa Pansionatı”nın baş həkimi vəzifəsində çalışır. İftixar Saadov uzun illərdir bu müəssisəyə rəhbərlik edir.

Minval.info xəbər verir ki, faciəvi hadisədən iki gün öncə, sentyabrın 6-da Coşqun Məmmədov otuz yaşını qeyd etmişdi. O, ailəsi ilə birlikdə Bakı şəhərində yaşayır və işləyirdi. Coşqun Məmmədov nişanlısı ilə birlikdə istirahət məqsədilə Şəkiyə səfər etmişdi.