Şəmkirdə istixanada yanğın: FHN operativ müdaxilə etdi

Şəmkir rayonunun Zəyəm qəsəbəsində yerləşən istixanada yanğın hadisəsi baş verib. Yanğın, plastik tullantıların yığıldığı sahədə meydana gəlib.

Minval.info xəbər verir ki, Fövqəladə Hallar Nazirliyinin Dövlət Yanğından Mühafizə Xidmətinin Şəmkir Rayon Yanğından Mühafizə Hissəsinin əməkdaşları hadisə yerinə cəlb olunub. Onların operativ müdaxiləsi nəticəsində yanğının genişlənməsinə imkan verilmədən qısa müddətdə söndürülüb və yaxınlıqdakı tikililər yanğından qorunub.