Kofein qocalmanı ləngidə bilər: Britaniya araşdırması

Britaniyada həyata keçirilən bir araşdırma, kofeinin hüceyrələrdə qocalma prosesini ləngidə biləcəyini ortaya çıxarıb. London Queen Mary Universitetinin alimləri, kofeinin hüceyrələrdə enerji balansını və DNT-nin bərpasını təmin edən AMPK ferment sistemini aktivləşdirdiyini müəyyən ediblər. Araşdırma, insan hüceyrələri ilə oxşar xüsusiyyətlərə malik maya modelləri üzərində aparılıb. Minval.info xəbər verir ki, nəticələr, kofeinin hüceyrələrin stressə davamlılığını və DNT bərpası ilə bağlı prosesləri gücləndirə biləcəyini göstərib. Alimlər bildirirlər ki, bu kəşf gələcəkdə yaşlanma ilə əlaqəli xəstəliklərin qarşısının alınmasına yönələn yeni müalicə üsullarının hazırlanmasına kömək edə bilər.