Kartdan pul çıxarmaq üçün ondan kömək istəyən təqaüdçüləri soydu – VİDEO

Kartdan pul çıxarmaq üçün ondan kömək istəyən təqaüdçüləri soydu - VİDEO

Bakıda bankomatların qarşısında təqaüdçülərin kartından pul ələ keçirməkdə şübhəli bilinən şəxs tutulub.

Bu barədə “Minval.info”ya Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, paytaxtın Binəqədi rayonunda naməlum şəxs bankomatlardan birinin qarşısında zərərçəkənin etibarından sui-istifadə edərək onun kartında olan pulu ələ keçirib. Kart sahibi Binəqədi Rayon Polis İdarəsinin (RPİ) 6-cı Polis Bölməsinə müraciət edərək deyib ki, bankomatın qarşısında olan zaman kartından pul çıxarmaqda ona köməklik etməsi üçün yaxınlıqda olan 1 nəfərə müraciət edib. Həmin şəxs kartı bankomata daxil edəndən sonra hesabda pul olmadığı barədə zərərçəkənə yalan məlumat verib. Kart sahibi ərazidən uzaqlaşandan sonra o, bankomatdan çıxan pulu götürərək hadisə yerindən yayınıb. Eyni məzmunlu şikayətlə Binəqədi rayon sakini olan daha 3 nəfər polisə müraciət edib. Onlar da kartlarından müxtəlif məbləğlərdə pulların qeyd edilən üsulla ələ keçirildiyini bildiriblər.

Binəqədi RPİ-nin 6-cı Polis Bölməsinin əməkdaşlarının həyata keçirdikləri əməliyyat-axtarış tədbiri nəticəsində hadisəni törətməkdə şübhəli bilinən əvvəllər məhkum olunmuş Fizuli Nəcəfov saxlanılıb. Saxlanılan şəxs əsasən ondan kömək istəyən yaşlı şəxslərin pensiya kartlarında olan pul vəsaitlərini ələ keçirib.

Beyləqanda ağır qəza: Tanınmış müəllim həlak oldu

ƏLAQƏLİ

Bunu da oxu

Beyləqanda ağır qəza: Tanınmış müəllim həlak oldu

08.09.2026 - 11:19

Faktlarla bağlı araşdırmalar davam etdirilir.

“Fizuli Nəcəfovun qanunsuz əməllərindən zərər çəkən başqa vətəndaşlar varsa, bu barədə ərazi üzrə polis orqanlarına, “102” Xidməti Zəng Mərkəzinə və DİN-in sosial şəbəkələrdəki rəsmi səhifələrinə məlumat verə bilərlər”, – məlumatda qeyd edilib.

https://youtu.be/K1mqH91j07A