Beyləqanda ağır qəza: Tanınmış müəllim həlak oldu

Beyləqan rayonunda baş verən ağır yol-nəqliyyat hadisəsi nəticəsində bir nəfər həlak olub. Hadisə zamanı 1962-ci il təvəllüdlü Seymur Kərimovun idarə etdiyi “VAZ 2107” markalı avtomobil “Ford” markalı maşınla toqquşub. Nəticədə, Seymur Kərimov həyatını itirib, onun qızı 1996-cı il təvəllüdlü Aytən Muradova isə müxtəlif dərəcəli bədən xəsarətləri alıb.

Minval.info xəbər verir ki, Seymur Kərimov Beyləqan şəhər Humanitar Fənlər Təmayüllü Liseyində gənclərin çağırışaqədərki hərbi hazırlıq müəllimi kimi uzun müddət fəaliyyət göstərib. O, rayonda tanınmış müəllimlərdən biri olub.