Çinarlı Parkda yanğın: Səbəblər araşdırılır

Bakı şəhəri, Binəqədi rayonu, 7-ci mikrorayon ərazisində yerləşən ‘Çinarlı Park’ yaşayış kompleksində yanğın hadisəsi baş verib. Fövqəladə Hallar Nazirliyinin ‘112’ qaynar telefon xəttinə daxil olan məlumat əsasında dərhal əraziyə Dövlət Yanğından Mühafizə Xidmətinin qüvvələri cəlb olunub.

Minval.info xəbər verir ki, yanğın qısa müddət ərzində məhdudlaşdırılıb və hadisə yerində təhlükəsizlik tədbirləri görülüb. Yanğının səbəbləri araşdırılır və əlavə məlumat veriləcək.