FHN-dən güclü külək xəbərdarlığı: Təhlükəsizlik vacibdir

Ölkə ərazisində, xüsusilə Bakı və Abşeron yarımadasında güclü külək müşahidə olunur. Bu hava şəraitində təhlükəsizlik qaydalarına əməl edilməməsi insan həyatı və sağlamlığı üçün ciddi təhlükə yaradır.

Minval.info xəbər verir ki, Fövqəladə Hallar Nazirliyi əhaliyə müraciət edərək, güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durmağı, elektrik dirəyi və naqillərinin, hündür ağacların altında dayanmamağı tövsiyə edir. Həmçinin, güclü küləyin yanğınların söndürülməsi ilə əlaqədar yaratdığı çətinlikləri nəzərə alaraq, yanğın təhlükəsizliyi qaydalarına ciddi riayət edilməsinin vacibliyi vurğulanır.