Hüseyn Əzizoğlu "Maşın" şoudan uzaqlaşdırılır? - Murad Dadaşov sübutları göstərdi - VİDEO

Məşhur vayner Hüseyn Əzizoğlunun “Maşın” şoudan avtomobildən əlini çəkməsi haqqında video görüntülər yayılıb.

Sosial şəbəkələrdə paylaşılan videoda onun sadəcə bir əli görünsə də, bəzi mətbuat orqanları “Hüseyn Əzizoğlu əlini maşından çəkdi” başlığı ilə dərc edib.

Minval.info xəbər verir ki, vaynerin bu addımı barədə şounun bugünkü proqramında aydınlıq gətirib. Əzizoğlunu yanına çağıran aparıcı Murad Dadaşov yayılan görüntüləri efirə verib və iştirakçıları diqqətli olmağa çağırıb. Daha sonra digər kameralarda lentə alınan görüntülər yayımlanıb. Məlum olub ki, Hüseynin digər əli avtomobilin üzərində olub. O, qaydaları pozmayıb və oyuna davam edir.

“Mənim oyuna gələndə bir məqsədim vardı, avtomobili udmaq. Sonra iki məqsədim oldu. Biri də İlhamə Bədəlovanı çıxarmaq. Birini həll etdim. İkincisi qalıb”-, deyə Əzizoğlu hisslərini bölüşüb.