Erməni ekspert: Bu, böyük müharibəni yaxınlaşdırır

“Ermənistan hökuməti istənilən ssenariyə meyllidir. Paşinyan uzun illər saxladığı şəxsi inancını da buraya əlavə edir: Qarabağdan qurtulmaq lazımdır”.

Musavat.com xəbər verir ki, bunu erməni mediasına müsahibəsində politoloq Stepan Danielyan deyib.

“Ancaq həyat göstərir ki, böyük geosiyasi maraqlar olduğuna görə qərar vermək onun səlahiyyətində deyil”,-o, qeyd edib.
Danielyanın fikrincə, Ermənistan hakimiyyətinin fəaliyyəti vəziyyəti daha da çətinləşdirir və Cənubi Qafqaz regionunda böyük müharibəni yaxınlaşdırır.

ƏLAQƏLİ

Bunu da oxu

Armen Qriqoryan Baş Qərargah rəisi olur

08.09.2026 - 15:24

“Ermənistan hökuməti Rusiyanın mövqeyi ilə razılıqdan, yəni rus qoşunlarının Qarabağda qalması və statusun gələcək nəsillər üçün təxirə salınmasından dəm vurur. Eyni iqtidar Qərbdə Qarabağın Azərbaycanın tərkibində qalmasına razılıq verilməsindən danışır. İranda isə tamamilə əks bəyanatlar verirlər”,-deyə erməni ekspert Paşinyan iqtidarının hərəkətlərini bu cür təsvir edib.