Rusiyada poçt əməkdaşlarına antidron silahları təqdim ediləcək

Rusiya hökuməti poçt əməkdaşlarının təhlükəsizliyini artırmaq məqsədilə onlara antidron silahları təqdim edəcək. Bu yeni tədbir xidməti və mülki silahlar siyahısına əlavə olunub.

Minval.info xəbər verir ki, yenilənmiş siyahıda pilotsuz uçuş aparatları, suüstü və sualtı vasitələr, eləcə də digər avtomatlaşdırılmış pilotsuz sistemlərlə mübarizə üçün xüsusi avadanlıqlar yer alır. Əvvəllər bu siyahıda 9 mm-lik tapançalar, rezin gülləli silahlar, elektroşok cihazları və gülləkeçirməz jiletlər kimi qoruyucu vasitələr mövcud idi.

Silah və avadanlıqların növü əməkdaşların yerinə yetirdiyi vəzifələrə uyğun olaraq müəyyənləşdiriləcək. Bu tədbirlər poçt şöbələrinin mühafizəsi, nağd pul daşınmasının müşayiəti və digər təhlükəsizlik tədbirlərini əhatə edir.

ƏLAQƏLİ

Bunu da oxu

Mahmud Abbasın Yunan Kiprinə səfəri: siyasi əlaqələrdə yeni dönüş

29.10.2026 - 16:14