Bu halda təhsil krediti üçün müraciət etmək olmaz

“Tələbə-təhsil kreditləri tələbələrə hər təhsil səviyyəsi üzrə bir dəfə veriləcək”. 

“Minval.info” “Qafqazinfo”a istinadən  xəbər verir ki, bunu bu gün keçirilən brifinqdə təhsil nazirinin müavini İdris İsayev bildirib.

O qeyd edib ki, təhsil müəssisəsinin həm bakalavr, həm də magistr pilləsində kredit götürmüş şəxslər təhsil müəssisəsini bitirəndən sonra əvvəlcə bakalavr dövründə aldığı, sonra magistratura səviyyəsinin kreditini ödəyəcək. Bir dəfə bakalavr səviyyəsində təhsil alan tələbə ikinci dəfə də bakalavr səviyyəsində təhsil alarsa, o zaman kredit üçün müraciət edə bilməz.