Saxara" salonunda SMM işçisi xadimə kimi çalışdırılır!

“Saxara” gözəllik salonunda işçilərin xadimə və ofisiant kimi istifadə edilməsi ilə bağlı iddialar ortaya çıxıb. Şikayətçi, “APA TV”yə verdiyi müsahibədə, SMM olaraq işə başladığını, lakin başqa işlərə məcbur edildiyini bildirib.

Minval.info xəbər verir ki, şikayətçi əmək müqaviləsinin olmadığını, maaşının yarısının kartdan-karta köçürüldüyünü və işdən çıxarıldığını qeyd edib. O, həmçinin nahar fasiləsinin verilmədiyini, müştərilərə çay gətirilməsi və masaj otaqlarının yığışdırılması kimi işlərə məcbur edildiyini bildirib. Şikayətçi, bu vəziyyətə etiraz etdikdə hədə-qorxu ilə qarşılaşdığını da əlavə edib.

“Saxara” gözəllik salonunun rəhbəri Sərxan Qulamlı isə bu iddialardan xəbərsiz olduğunu və bunların qarayaxma kampaniyası olduğunu bildirib.