Azərbaycanın neft fondundan büdcəyə milyardlıq dəstək: Gələcək nəsillərə hansı miras qalacaq?

Azərbaycan Respublikası Dövlət Neft Fondu (ARDNF), 2026-cı ilin 30 iyun tarixinə qədər dövlət büdcəsinə 176,833 milyard manat həcmində vəsait köçürüb.

Minval.info xəbər verir ki, bu barədə Dövlət Neft Fondu rəsmi məlumat yayıb. 2026-cı ilin yanvar-iyun ayları ərzində ARDNF, dövlət büdcəsinə 6 milyard 420 milyon manat transfert edib ki, bu da ötən ilin eyni dövrü ilə müqayisədə 820,5 milyon manat və ya 11,3% azdır.

Fondun aktivləri 2026-cı ilin əvvəlinə 73 milyard 542 milyon ABŞ dolları (125 milyard 21 milyon manat) təşkil edirdi, lakin iyun ayının sonuna bu rəqəm 72 milyard 596 milyon ABŞ dollarına (123 milyard 414 milyon manat) düşüb.

Bakı metrosunda yenilik: 'qırmızı' və 'yaşıl' xətlər ayrılır, nəqliyyatın gələcəyi dəyişir

ƏLAQƏLİ

Bunu da oxu

Bakı metrosunda yenilik: 'qırmızı' və 'yaşıl' xətlər ayrılır, nəqliyyatın gələcəyi dəyişir

04.08.2026 - 12:57

Yanvar-iyun dövründə ARDNF-nin ümumi gəlirləri 8 milyard 531,3 milyon manat olub. Neft və qaz gəlirləri 4 milyard 953,4 milyon manat təşkil edərkən, vəsaitlərin idarə edilməsindən əldə olunan gəlirlər isə 3 milyard 577,9 milyon manat olub. Eyni dövrdə büdcə xərcləri 6 milyard 449,7 milyon manat təşkil edib.

1999-cu ildə təsis edilən ARDNF, neft və qaz gəlirlərinin toplanması, idarə olunması və gələcək nəsillərə saxlanması məqsədilə fəaliyyət göstərir. Fond, investisiya portfelində aktivlərin şaxələndirilməsi strategiyasını davam etdirərək, beynəlxalq investisiya platformalarında iştirakını genişləndirir.

İndoneziya İnvestisiya Qurumunun (INA) Fondlar və Kapital Tərəfdaşlığı üzrə direktoru Merlissa Trisno, ARDNF-nin “Galaxy Orientis” Çin–ASEAN İnvestisiya Platformasında (CAIP) mühüm strateji rol oynadığını vurğulayıb. ARDNF, Çin İnvestisiya Korporasiyası (CIC) və İndoneziya İnvestisiya Qurumu (INA) ilə birlikdə regionda yüksək keyfiyyətli investisiya layihələrinin maliyyələşdirilməsini hədəfləyir.