Almaniyada müharibə bombası: 5 min nəfər təxliyə olunur

Almaniyanın Kil şəhərində İkinci Dünya müharibəsindən qalan aviasiya bombası aşkarlanıb. Bu səbəbdən 5 mindən çox insanın təxliyə edilməsi planlaşdırılır. 250 kiloqram ağırlığında olan bomba şəhərin Ditrixsdorf rayonunda tapılıb.

Minval.info xəbər verir ki, təhlükəsizlik tədbirləri çərçivəsində 5 235 nəfər evlərini tərk etməlidir. Təxliyə prosesi təxminən 2 580 təsərrüfatı əhatə edəcək. Sakinlər yerli vaxtla saat 14:00-a qədər ərazidən çıxmalıdır. Yaxınlarının yanında qala bilməyən şəxslər üçün müvəqqəti yerləşdirmə mərkəzi təşkil edilib.