“10 manat köməklik edin” - Müəllimdən valideynə məktub
167 №-li tam orta məktəbdə ayaqyolu və ingilis dili otaqları tikildiyi üçün şagirdlərdən pul yığılması ilə bağlı məlumat yayılıb. Bildirilir ki, müəllim valideynlərə məktub yollayaraq hər iki otağın təmirinə görə 10 manat (hərəsinə 5 manat olmaqla) məbləğində köməklik etmələrini istəyib.
“Qafqazinfo” məsələylə bağlı sözügedən məktəbin direktoru Qasım Qasımovla əlaqə saxlayıb. Direktor bildirib ki, hazırda məktəbdə hər hansı bir təmir işi getmir:
“Sözügedən işlər sentyabr ayında görülüb. Bu zaman da sadəcə bir arakəsmə sökülüb. Yaxşı olar ki, bunu paylaşan valideyn elə birbaşa mənə müraciət etsin, məsələni araşdıraq. Bəlkə həqiqətən hansısa müəllim yalandan uşaqlardan pul istəyib.
Sentyabr ayında bu məktəbə təyin olunmuşam və elə o vaxt valideynlərlə görüşümdə bildirmişəm ki, hər hansı səbəblərdən uşaqlardan bir qəpik də yığılmayacaq. Çünki qulağıma çatmışdı ki, əvvəllər nəsə xoşagəlməz hallar baş verib. Odur ki, bu kimi məqamlarda valideynlər birbaşa mənimlə əlaqə saxlasın”.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Müəllimlərin işə qəbulu: 3 min vakant yer açıqdır
Evində dərs keçmək istəyənlər üçün iş imkanı
Asfalt yeniləndi, təhlükəsizlik xətləri unuduldu!
Laçında uşaqların sağlamlığına xüsusi diqqət!
Tələbə Kənan Zindadil universitetə bərpa olunmaq istəyir
Universitetdə təhsil müddəti qısalır?
Könül Kərimovanın nəvəsi Dəniz məktəb yolunda!
