Xalq artistinə “Çingiz Aytmatov” medalı verildi

Xalq artisti Nəsibə Zeynalovanın oğlu, xalq artisti Cahangir Novruzov Türk Dünyası sənətinə göstərdiyi xidmətlərdən dolayı Beynəlxalq Türk Mədəniyyət Təşkilatı TÜRKSOY-un “Çingiz Aytmatov” medalı ilə mükafatlandırılıb.

Kult.az xəbər verir ki, bu barədə xalq artisti sosial şəbəkələrdə məlumat yayıb. O, mükafata görə TÜRKSOY-a və bu qurumun başqanı Düsen Kaseinova təşəkkürünü bildirib.

Qeyd edək ki, C.Novruzov uzun illədir Türkiyədə yaşayır. O, hazırda Türkiyənin Adana şəhərində Çuxurova Universitetinin Dövlət Konservatoriyasının teatr bölməsində çalışır.