Xalq artisti koronavirusa yoluxdu
Xalq artisti Eldost Bayram koronavirusa yoluxub.
Minval.info xəbər verir ki, diktor 10 gündür Covid-19-la mübarizə aparır. Bu haqda şaiq Faiq Balabəyli məlumat yayıb.
O bildirib ki, Eldost Bayramov həkim nəzarətindədir. Həkimlər onun ağır günləri geridə qoyduğunu bildirib.
“Həkimlər əlavə edirlər ki, Eldost Bayramın müalicəsini davam etdirmək, başqa xəstəliklərindən də qurtulmaq üçün mütləq digər xəstəxanaya köçürülməlidir” deyə, F.Balabəyli qeyd edib. O deyib ki, diktorun yardıma ehtiyacı var.
Qeyd edək ki, Eldost Bayram 1972-ci ildə Azərbaycan Dövlət Teleradio Verilişləri Komitəsinə (indiki Dövlət Teleradio Verilişləri Qapalı Səhmdar Cəmiyyəti) diktor vəzifəsinə qəbul olunub. Hazırda ali dərəcəli diktor kimi öz fəaliyyətini davam etdirir.2008-ci ilin noyabrında “Tərəqqi” medalına layiq görülüb. 2016-cı ildə Cəfər Cabbarlı mükafatı alıb. 2016-cı ildə Azərbaycan Respublikasında televiziya və radio sahəsində xidmətlərinə görə “Xalq artisti” fəxri adına layiq görülüb.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
"Həmin gündən düz 47 il keçdi" - Fotolar
Rəşidə Behbudova ailə səadətini paylaşdı: İzləyicilər heyran qaldı
Azərbaycanlı professor türk dünyasının nüfuzlu elm mükafatına layiq görüldü
Flora Kərimovanın nəvəsi evlənir: Xalq artistindən duyğusal təbrik
Fəxrəddin Manafovun həyat hekayəsi: Futboldan kinoya uzanan yol
Cahangir Novruzovun Nəsibə Neynalova ilə unudulmaz mübahisəsi
