Türkiyədə fond qalmaqalı: "Dünya" qəzetinin sahibi saxlanıldı

Türkiyədə kapital bazarlarında həyata keçirilən əməliyyatlar çərçivəsində genişmiqyaslı fond araşdırması aparılır. Bu araşdırma nəticəsində “Dünya” qəzetinin sahibi Umut Güner saxlanılıb.

Oxu.az-ın məlumatına görə, İstanbul prokurorluğunun apardığı istintaq çərçivəsində Umut Günerin saxlanılması, “Dünya Holding” ilə “Bulls Yatırım Holding” arasında mövcud olan tərəfdaşlıq münasibətləri ilə əlaqələndirilir.

Araşdırmada iki holdinq arasındakı kapital əlaqələri diqqət mərkəzindədir. Bildirilir ki, “Bulls Yatırım Holding”in “Dünya Holding”də 20.45 faiz payı mövcuddur.

ƏLAQƏLİ

Bunu da oxu

Rusiyalı zənginlər 28 milyard dollardan çox itirdi

01.11.2026 - 12:34

Əvvəllər Türkiyə Kapital Bazarları Şurasının “Bulls Portföy”ün idarəçiliyində olan 15 fondun ləğvinə dair qərar verməsi də diqqət çəkmişdi. Bu hadisələrdən sonra iki holdinq arasındakı tərəfdaşlıq əlaqələrinin istintaq çərçivəsində araşdırıldığı iddia olunur.

İqtisadiyyat sahəsində uzun müddətdir fəaliyyət göstərən “Dünya” qəzeti, 2024-cü ildə Umut Güner tərəfindən satın alınmışdı.