Sabah hava necə olacaq? - Proqnoz açıqlandı
Bakıda və Abşeron yarımadasında sabah hava şəraitinin dəyişkən buludlu və əsasən yağmursuz olacağı proqnozlaşdırılır. Baku.ws-ə Milli Hidrometeorologiya Xidmətindən verilən məlumata görə, gecə bəzi şəhərətrafı ərazilərdə çiskinli hava şəraiti müşahidə edilə bilər. Şimal-qərb küləyinin əsəcəyi gözlənilir.
Gecə saatlarında havanın temperaturunun 13-16° isti, gündüz isə 18-20° isti olması gözlənilir. Atmosfer təzyiqi 767 mm civə sütunu səviyyəsində olacaq. Nisbi rütubət isə gecə 70-75 %, gündüz 60-65 % təşkil edəcək.
Azərbaycanın rayonlarında hava şəraiti əsasən yağmursuz keçəcək. Buna baxmayaraq, gündüz saatlarında bəzi yerlərdə qısamüddətli yağış yağacağı ehtimal edilir. Ayrı-ayrı bölgələrdə intensiv yağış, şimşək çaxması, dolu düşməsi və yüksək dağlıq ərazilərdə qar yağması da mümkündür. Arabir dumanlı hava şəraiti də gözlənilir. Şərq küləyi üstünlük təşkil edəcək.
Rayonlarda havanın temperaturu gecə 11-16° isti, gündüz 18-22° isti arasında dəyişəcək. Dağlıq bölgələrdə isə gecə 5-10° isti, gündüz isə 12-17° isti olacaq.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Bakı-Tbilisi əlavə qatar reysində yüz faizlik doluluq qeydə alınıb
Azərbaycan elminə ağır itki
Rəyasət Heyəti Ramiz Mehdiyevin AMEA üzvlüyündən çıxarılmasını təsdiqlədi
Şəki yollarının təmiri üçün 1 milyon manata yaxın vəsait ayrıldı
Migel Anxel Moratinos: Dinlər 8 milyard insanın qayğısına qalır
