Yeni qərar avtomobillərin qiymətində ciddi dəyişikliklərə səbəb olacaq

Azərbaycanda 2060-cı ilədək atmosferə atılan karbon emissiyalarının xalis sıfır səviyyəsinə endirilməsi hədəfi müəyyənləşdirilib. Bununla bağlı Baş nazir Əli Əsədov müvafiq qərar imzalayıb.

Qərarda 2035-ci ilədək daxili yanma mühərrikli avtomobillərin mərhələli şəkildə istismardan çıxarılması, 2060-cı ilədək isə sərnişin avtomobilləri parkında elektrik və digər alternativ enerji ilə işləyən nəqliyyat vasitələrinin payının 100 faizə çatdırılması nəzərdə tutulur.

Publika.az xəbər verir ki, mövzu ilə bağlı “Yeni Sabah”a danışan nəqliyyat məsələləri üzrə ekspert Raqif Raufoğlu bildirib ki, hazırda benzin mühərrikli maşınlar hibridlərdən olduqca ucuz satılır. Ekspert qeyd edib ki, qərardan sonra benzin və dizellə işləyən avtomobillərin saxlanılması vətəndaşlar üçün çətinləşə bilər.

ƏLAQƏLİ

Bunu da oxu

Azərbaycan 9 ayda Qarabağ və Şərqi Zəngəzura 2 milyard manata yaxın sərmayə qoyub

29.10.2026 - 12:40

Raqif Raufoğlu əlavə edib ki, bazarda hibrid avtomobillər benzin və dizelə nisbətən daha əlverişli olmasına baxmayaraq, qiymətlərin artması bu tendensiyanı dəyişib. Elektromobillərin artması müşahidə olunsa da, onların saxlanılması ilə bağlı problemlər mövcuddur.

Ekspertin fikrincə, hibrid və elektromobillərin daha geniş yayılması üçün dövlət dəstəyi və stimullaşdırıcı tədbirlər vacibdir. 2060-cı ilə qədər bu keçid prosesinin necə gedəcəyini zaman göstərəcək.