Türkiyədə derbidən əvvəl qanlı dava - VİDEO

Dünən baş tutan “Fənərbağça-Beşiktaş” derbisindən əvvəl İzmirdən İstanbula gələn azarkeş Şakir Şenay stadion yaxınlığında bıçaqlanıb.

Minval.İnfo xəbər verir ki, hadisə Türkiyənin İstanbulda, yerli saat ilə 18:00 radələrində baş verib.

Deyilənə görə, İzmirdən gələn azarkeş qrupu ilə bir digər “Fənər” azarkeş qrupu ilə qarşılaşıb və sözlü münaqişə davaya çevrilib. Dava zamanı qarşı tərəfdən naməlum şəxs Şakir Şenayı bıçaqlayıb.

Aidiyatı qurumlara xəbər verildikdən sonra yaralanan şəxsə ilk tibbi yardım göstərilib. Müalicəyə alınan yaralının yarası ölümcül olmayıb. Yaralanan şəxs xəstəxanaya köçürülüb. Hüquq mühafizə orqanları şübhəli şəxsi axtarır.

Hadisə ətraflı olaraq mühafizə kameralarında öz əksini tapıb.

Emil Nəcəfli