Beşiktaş Luiz Arauxonu heyətinə qatır

“Beşiktaş” futbol komandasını gücləndirmək məqsədilə Braziliyanın “Flamenqo” klubunun oyunçusu Luiz Arauxonun transferi üzərində iş aparır. İstanbul təmsilçisi, 30 yaşlı yarımmüdafiəçini icarə əsasında heyətinə qatmağı planlaşdırır.

Minval.info xəbər verir ki, Luiz Arauxonun “Flamenqo” ilə olan müqaviləsi 2027-ci ilin dekabr ayının sonuna qədər qüvvədədir. Futbolçunun “Beşiktaş”a keçidə müsbət yanaşdığı da bildirilir. Arauxo, karyerası ərzində “Novorizontino”, “Sao Paulo”, “Lill” və “Atlanta” kimi klubların formasını geyinib.