Sabah Çempionlar Liqasında Mançesterə uduzdu: 0:4

UEFA Çempionlar Liqasının Liqa mərhələsinin I turunda ‘Mançester Yunayted’ və ‘Sabah’ komandaları arasında keçirilən qarşılaşma başa çatıb. ‘Sabah’ komandası rəqibinə 0:4 hesabı ilə məğlub olub.

Minval.info xəbər verir ki, oyunda qolları Mateus Kunya (27-ci dəqiqə), Bruno Fernandeş (42-ci dəqiqə), Benyamin Şeşko (45-ci dəqiqə) və Lisandro Martinez (68-ci dəqiqə) vurublar. Matçın hakimləri Fransadan olan Villi Delajo, Ervan Finjean, Valentin Evrar və Matyo Vernis olub. VAR sistemi Jerom Brisar (Fransa) tərəfindən idarə edilib, AVAR isə Momçilo Markoviç (Serbiya) olub. Qarşılaşma İngiltərənin Mançester şəhərində, ‘Old Trafford’ stadionunda keçirilib.

Komandalar meydana aşağıdakı heyətlərlə çıxıblar: ‘Mançester Yunayted’ – Semme Lannes, Mateus Kunya, Leni Yoro, Lisandro Martines, Nussair Mazraui, Yuri Tilemans, Kobbi Meynu, Brayan Mbyomo, Brunu Fernandeş, Patrik Dorqu, Benyamin Şeşko. ‘Sabah’ – Stas Pokatilov (K), Rəhman Daşdəmirov, Stiv Solvet, Timoteuş Puxaç, Akim Zedadka, İvan Lepiniça, Umarali Raxmonaliyev, Aleksey İsayev, Velko Simiç, Coy-Lens Mikels, Kahim Parris.